ଶିଳ୍ପାୟନ ଏବଂ ରୋଜଗାରର ବଡ଼ ଅଭିଯାନ, ଓଡ଼ିଶା ପାଇଁ ଆସିଲା ୧,୦୧,୦୦୦ କୋଟି ଟଙ୍କାର ମେଗା ପ୍ରକଳ୍ପ

ରାୟଗଡ଼ା (ଓ ଏନ ଟି) : ‎ଓଡ଼ିଶାର ଶିଳ୍ପ ଓ ଆର୍ଥିକ ବିକାଶ ଦିଗରେ ଏକ ବଡ଼ ତଥା ଐତିହାସିକ ପଦକ୍ଷେପ ନିଆଯାଇଛି। ରାଜ୍ୟ ସରକାର ଏବଂ ଆଦାନୀ ଗ୍ରୁପ୍ ମଧ୍ୟରେ ଏକ ବିଶାଳ ପୁଞ୍ଜିନିବେଶ ଚୁକ୍ତି ସ୍ୱାକ୍ଷରିତ ହୋଇଛି। ଆଦାନୀ ଗ୍ରୁପ୍ ଓଡ଼ିଶା ସରକାରଙ୍କ ସହ ହୋଇଥିବା ଏହି ଚୁକ୍ତି ଅନୁଯାୟୀ ୧,୦୧,୦୦୦ କୋଟି ଟଙ୍କାର ଏକ ବିଶାଳ ଏମ୍.ଓ.ୟୁ. ସ୍ୱାକ୍ଷର କରିଛି। ଏହି ବୃହତ ପ୍ରକଳ୍ପର ମୁଖ୍ୟ କେନ୍ଦ୍ରବିନ୍ଦୁ ଭାବରେ ରାୟଗଡ଼ା ଜିଲ୍ଲାକୁ ପ୍ରାଥମିକତା ଦିଆଯାଇଛି। ଏହି ଶିଳ୍ପାୟନ ମାଧ୍ୟମରେ ସ୍ଥାନୀୟ ଅଞ୍ଚଳରେ ୫୩,୫୦୦ରୁ ଅଧିକ ନିଯୁକ୍ତି ସୁଯୋଗ ସୃଷ୍ଟି ହେବ, ଯାହା ଯୁବବର୍ଗଙ୍କ ପାଇଁ ବଡ଼ ସୁଯୋଗ ଆଣିବ। ଏହି ସହଭାଗିତା ରାଜ୍ୟରେ ଶିଳ୍ପ ବିକାଶର ଗତିକୁ ଆହୁରି ତ୍ୱରିତ କରିବ। ଏହି ଐତିହାସିକ ପଦକ୍ଷେପ ଆଗାମୀ ଦିନରେ ଓଡ଼ିଶାର ଅର୍ଥନୀତିକୁ ଏକ ନୂତନ ଦିଗଦର୍ଶନ ଦେବା ସହିତ ସାମଗ୍ରିକ ବିକାଶକୁ ସୁଦୃଢ଼ କରିବ ବୋଲି ଆଶା କରାଯାଉଛି।